Ndërmarrja Çeliku PLAST është ndër bizneset më të hershme në Prizren, me traditë 60 vjecare. Në fillim paraardhësit e pronarëve të tanishëm kanë ushtruar veprimtarinë (shërbimin ) si Dyqan i Pavarur Zejtar (DPZ). Me kalimin e kohës, duke përvetësuar profesionin e prindit nga djemtë e themeluesit të DPZ, në vitin 1982, është regjistruar; Organizata e Kontraktuar e Punës së Bashkuar-OKPB, duke ushtruar veprimtarinë metalo-përpunuese në prodhimin e detajeve (pjesëve) të makinave dhe makina të ndryshme, sipas porosisë.

Duke qenë atraktive dhe e vecantë në tregun e Kosovës, si ndërmarrje private; "OKPB Çeliku", ka bashkëpunuar me shumë ndërmarrje shoqërore në mirëmbajtjen e makinave dhe prodhimin e detajeve të ndryshme të makinave sipas llojit të veprimtarisë, si në: industrinë e tekstilit, industrinë me ndërmarrjet ndërtimore, të plastikës, për makinat bujqësore etj...

Meqë Prizreni njihet edhe me përpunimin e stolive nga ari e argjendi, OKPB Çeliku ka prodhuar vegla dhe makina për përpunimin e prodhimeve të tyre.

OKPB Çeliku, me mundësit e veta ekzistuese, vazhdimisht ka ndjekur trendet e zhvillimit të teknologjisë, duke marrë pjesë e vizituar panaire të ndryshme vendore dhe ndërkombëtare. Që në vitin 1983, OKPB Çeliku ka marrë pjesë në ekspozitën e prodhimeve dhe inovacioneve të Kosovës (EPIK '83), ku nga organizatorët " Qendra Krahinore për Produktivitet dhe inovacione, është dekoruar me mirënjohje për cilësinë e prodhimeve. OKPB Çeliku, veprimtarinë e lartpërmendur e ka ushtruar deri në vitin 1999. Për shkak të ndërprerjes së punës të ndërmarrjeve shoqërore me të cilat OKPB Çeliku kishte bashkëpunim, në vitin 1999, që detyruar, që me gjithë potencialin e vetë të shndërrohet në NTSH Çeliku Plast, duke transformuar veprimtarinë nga produktet e metalit, në produkte plastike të teknologjisë së ekstrudimit dhe të injektimit.

Ndërmarrja NTSH Çeliku PLAST zhvillon veprimtarinë e saj në një sipërfaqe të mbuluar prej 1000 m2, me të 12 punëtorë të punësuar me kontratë të rregullt pune.

Duke qenë të parët në prodhimin e këtyre produkteve e lider në cilësi, plotësojmë nevojat e vendit dhe pretendojmë shtrirjen edhe përtej kufijve vendor.

Përparimi i ndërmarrjes sonë bazohet në: 

1. perfeksionimin e vazhdueshëm të personelit, 

2. modernizim e teknologjisë, 

3. rritjen e cilësisë dhe rendimentit në punë, 

4. shumëllojshmërinë e modeleve, në përputhje me plotësimin e kërkesave dhe shijeve të konsumatorëve, gjithnjë e në rritje, për orendimin sa më të mirë dhe të gjerë të ambienteve adekuate, që vazhdimisht përditësohen për t’u përshtatur trendeve të kohës dhe arritur perfeksion të vazhdueshëm zgjidhen produktet tona cilësore e me cmime atraktive.

Nëpërmjet bashkëpunëtorëve tanë tregtar e salloneve të perdeve, me prodhime tona janë pajisur ambiente cilësore familjare e shërbime si : banesa, vila, hotele, ambiente të ndryshme dhe administrative etj., rrethi i, të cilave po zgjerohet cdo ditë e më shumë.

Motoja e ndërmarrjes sonë është : "SATISFAKCIONI | KONSUMATORIT ËSHRË GARANTUES | CILËSISË SONË. Këtë ndërmarrja Çeliku PLAST ka arritur ta realizojë, sepse vazhdimisht kërkojmë rekomandimet e konsumatorëve dhe ato rekomandime konsiderohen me seriozitet të lartë.